Lorkes sinfonik regroup trwa gran fami linstriman, kot sakenn esansiel a so lekilib sonor. Bann kord amenn lasaler ek lirism. Bann van, konpoze de bann bwa ek kwiv, anrisir lansam avek zot bann timbre varye. Alor ki bann perkision infuz lenerzi ek dinamism. Ansam, zot kre enn larmoni mazik ek kaptivan.
KORD
Bann instriman a kord divize an plizir fami. Kord pinse kouma arp, kord frape kouma piano e kord frote kouma violon, alto, violonsel, kontrebas.
Bann instriman a arse kouma violon ou kontrebas kapav ousi zwe an kord pinse. Sa mod zwe-la apel “pizzicato”. Son-la rezonn dan latab darmoni. Li donk anplifie.
Prensip fonksionnman laplipar bann instriman a kord baze lor son ki gagne par vibrasion bann lakord, ki koze par friksion larse. Li anplifie atraver 'pon' ek 'lam' par kess rezonans.
VAN
Bann instriman a van se tou bann instriman ki bizin soufle pou fer enn son. Sa bann instriman-la klase an de kategori: bwa ek kwiv.
Bann bwa : Bann bwa inklir laflit, obwa, klarinet, basson, etc. Sa bann linstriman-la ena enn lorizinn bien ansien e zot bann "anset" ti fer avek dibwa. Se pou sa rezon-la ki nou donn sa nom-la a sa kategori-la.
Zordi, bann linstriman kapav fer avek metal ouswa, kouma o-koumansman, avek dibwa. Pou zot fonksionnman, ler ki avoy dan so labousir sorti atraver bann diferan trou dan lekor linstriman-la e zwer-la determinn ton bann son-la, par swa bann trou ki li bousse direkteman avek so ledwa ouswa par servi bann lakle. Malgre so konstriksion metalik, saxofonn form parti fami a van (an bwa, e non kwiv), akoz prezans enn ans pou emision son.
Bann kwiv :
Bann linstriman an kwiv inklir tronpet, tronbonn, tiba, kor... Se bann linstriman ki briye dan lorkes. Kan mizisien soufle dan labousir sa bann linstriman-la, so lalev fer ler vibre ek sa prodir enn son.
Bann not gagne kan aksionn bann piston ki ouver ou ferm bann tiyo, ouswa par enn kouliss (tronbonn). Timb bann instriman an kwiv depann lor so faktir (fabrikasion) instrimantal.
PERKISION
Bann perkision se bann instriman ki bizin enn ‘sok’ pou prodir enn son. Sa bann linstriman-la prodir enn gran varyete son: kapav sakouy zot, tap zot, frote, etc.
Ena enn kantite linstriman perkision. Bann materyel ki servi pou fabrik zot tre diver: dibwa, lapo, metal...etc. Ena bann perkision avek bann son fix ek bann perkision avek bann son varyab.
Perkision ena enn fonksion prinsipalman ritmik ek tinbral. Zis enn tigit ki kapav prodir bann vre melodi (bann klavie par exanp xylophon, marimba etc.). An zeneral, li servi pou donn lanbians ritmik enn fraz melodik e donn li enn ritm (tom ou sinbal, etc.), ou pou imit ou evok enn obze, enn peizaz ou enn latmosfer. Souvan, alafin enn morso mazestie ek inpozan, bann dernie not mizikal anplifie par intervansion perkision, grass a tinbal, tam ou gong par exanp.
Comments